طريقة صناعة الصندوق باستخدام آلة الطي

 السلام عليكم ورحمة الله وبركاته .. أرحب فيكم في أول تدوينة لي في لايت لاين .. راح أحاول اني انزل على الاقل تدوينة واحدة بالاسبوع اشرح فيها عمل فني جديد .. اليوم راح ابدأ بطريقة صناعة الصندوق بمختلف احجامة .. والأطوال المعروضة كلها راح تكون بالانش

الأدوات المستخدمة في عمل الصندوق:

لوح الطي Scoring Board من Martha Stewart - متوفرة بالمتجر

ورق مقوى من أي قرطاسية 

صمغ ومقص

في البداية لازم نختار حجم الصندوق اللي نبغى نسويه .. ويعتمد هذا على نوع الاهداء أو نوع الاستخدام .. الجدول هذا يبين بعض المقاسات (القياسات كلها بالانش) .. في هذا المشروع اخترت الحجم المتوسط

خلينا نفترض اننا نبغى نسوي الحجم المتوسط (حجم الصندوق النهائي 4"× 4"× 2") .. (1) أول شي نقص الورقة بحجم 8"× 8" مثل ما هو موضح بالجدول .. يفضل استخدام قطاعة الورق عشان تقطع الورقة بشكل مستقيم ودقيق .. بعدها نستخدم أداة الطي Scoring Board .. نحط الورقة بزاوية لوح الطي ونرسم خطوط الطي على مسافة 2" و 6" بالطول والعرض ..

(2) نقص أماكن القص مثل ما هو موضح بالصورة (3) ونطوي اماكن الطي للداخل .. (4) نطوي الزوايا داخل جوانب الصندوق ونصمغها .. (5) يتشكل عندنا قاعدة الصندوق .. (6) بنفس الخطوات نقدر نسوي الغطاء .. 

وهذا هو الشكل النهائي للصندوق .. أتمنى أكون أفدتكم .. انتظرونا في تدوينات جديدة كل اسبوع